قصيدة للفقراء فقط

مرجيحه ودايره بينا ف الهوا
ومغنواتي م العشق قلبه ارتوي
مع غازيه وعدته ليصبحوا الاتنين سوا
وواقف فتوه ناويلهم ع الشر وكلا وما نوي

*مولد يا دنيا*

لسعه سقعه علي قرصه جوع
وحيه الفقر بجرسها المسموع
دايره وسط الشوارع والربوع
النفوس إتملت من جواها قهر
القلوب ماتت من جوع بالشهر
والعيون دبلت ودموعها صبحت نهر

*مولد يا دنيا*

ناسك وسط الدروب تايهين
كلمه تاخدهم وبكلمه نلاقيهم راجعين
الفرقه تعبتهم وإزاي نخليهم متجمعين

مولد يا دنيا وصاحبك غايب
حواليكي وشوش متنطوره بشعر شايب
بتجري يمين وشمال بنعل دايب
عقولها متبعتره مش لاقيالها نايب
جوه عيونها سؤال بيوجع
إمتي صاحبك راح يرجع
يظبط الحال اللي اتقلب
ويرجع الحق اللي ف الزحمه إتسلب
*******************************

يا ريت يا جماعة مين عندو اي عنوان لهاي القصيدة ويقوللي
قراءة سعيدة