بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك
بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي
يا سائلة عني من القلب لبييييييه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..
صعب جدا تلاقيني
أنا جوهر بحر مكنون
أنا لوتقلب الدنيا
صعب جدا تلاقيني
جمالي من حلا روحي
وكل الزين من زيني
تصدق عاد يا خلي
أنا كلي
بكل وصفي
بكل زيني
عجزت أوصل
ربع زينك
أبكي قصيدة وأشبك البيت بالبيت
وأشكي قوافي الليل من كل ضيقه
وأدخل بحور الشعر لا من تجليت
وأغوص في وسط البحور العميقة
في حبكم لاني بحي ولا ميت
كني كسير الطير ماله طريقه
ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام
أنادي من سكن بأقصى فؤداي
على من هو نفس روحي وزادي
على من هو حرم عيني رقادي
أنا أهــواه
يزور العين طيفه ثم أضمه
وأحس أن الهوى عطره وأشمه
تدري إني موت أحبك
وان مالي غير حبك...
واللي ينبض في ضلوعي
ما هو قلبي هذا قلبك..
تدري يا فرحي وهمي..
من كثر مانت في دمي
كل ما تنظرك عيني
عيني من عيني تسمي..
الغلا يا حبيبي أنت والوله يا قلبي
والألم يا عمري أنت
أنت كل إحساس فيني
أنت كل أحلام عمري
وروعة الدنيا بعيني
خذ غلا عمري وجرحي
خذ عناي وخذ هناي
بس لي عندك رجاء :
الطف بقلب يحبك ويموت فيك !
حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه
في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب
ناج الحبيب اللي توده وتغليه
ما دمت حي ودام عينك تشوفه
لو صد يشفع له معك حلو ما ضيه
وحقه عليك أنك تقدر ظروفه
بأخــتــصــار
شخص عطاني وده ما نيب ناسيه
ومن شرى ودي أنا دايم الدوم شاريه..!
لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني
حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده
إن عاش راسي و اسعفتني سنيني
لروي ظمأ قلبي بقربك و اهنيه ..
و لو يزرعون الغام بينك و بيني
نذر علي لامشي لك الدرب و أطويه ..
و اشيل روحي فوق راحة يميني
و ابيع عمري لاجل شوفتك و اشريه ..
أنا اللي من شوف الاحباب محروم
و الله يكافي شر زلات الاقدام ..
قبل امس مع ربعي سواليف و علوم
و اليوم طاويني هواجيس و هيام ..
اضحك ضحى قبل امس و ابكي ضحى اليوم
ياسرع دورات الليالي و الايــــام ..
تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شرايني
طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك
للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب
ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلتها ابعميها
احوسها واقلب الاول على التالي
أنا قلبي من كثر شوقي
ملا صدري
وانا صدري من كبر قلبي
نفذ صبره
من صباح الخير لين الشمس
ماتسري
ومن مساء الخير لين نصير
في بكره
والغلا في داخلي مثل النهر
يجري
ليتك تدري بغلاك داخلي
وش كثره
مسجات حب
محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار
غالي بقلبي مثل ذاك القمر فوق
واسقيك من عذب المشاعر وازيدك
هذا قليل من الغلا جاك منطوق
والا بقلبي يعلم الله رصيدك
إن جيت وان ما جيت باقي لك الشوق
والقلب مثل ماهو على حطة يدينك
ما كل عين تذرف الدمع بأحزان
وما كل من يضحك يعيش بسعاده
كم واحد دمعة على الخد هتان
من زود همه يذرف الدمع عاده
يحاول انه يبتسم قدر الامكان
ويضحك ونار الحزن تحرق فؤاده
كل الهموم وكل ما كنت اعانيه
تروح لحظة ما اتذكر طيبك
في غيبتك قلبي فقد من يسليه
من كثر حبك حلف ما يخونك
في غيبتك قلبي تحطم أمانيه
كرهت أنا العالم وحبيت كونك
في داخلي إحساس أجهل معانيه
بس الأكيد كل المشاعر يبونك
اشتقت لأيامك وجيت أنشد الوقت
وين الحبيب وضحكته وأمسياته
ليته يوسع خاطري لا تضايقت
مثل الكفيف ان قربوا له عصاته
ماهو زعل لا شفت وجهه ودنقت
العين تخفي في نظرها غلاته
سر يا قلم واكتب عظيم اشتياقي
للي لهم بمجلس الطيب مجلاس
قدرك على راسي سوات الشماغي
بالطيب مانلقا شبيهك مع الناس
انت العطر دايم على الجو طاغي
وغيرك حطب دخانهم يوجع الراس
ليتك يا ريف النشاما لنا جار
يوم اجيك ويم مثله تجيني
وليت المسافة بيني وبينك جدار
والباب بنص البيت بينك وبيني
حيثك عزيز ولك مع العز مقدار
وايضا تساوي بالغلا مثل عيني
لولا اختلاف أذواق وأذواق وأذواق
ما شفت أجمل من جرحني غيابه
يا أعذب وأرق من الندى عند الاشراق
وألطف من النسناس لا سرج ركابه
تدري وش اللي محرق قلبي احراق
انك بعيد وحزن الأيام غابه
يوم ما تنشد عن أحوالي
أقضي الساعات مهموم
غيرك مالنا غالي
واهتمامي فيك ملزوم
افرح بهاتفك ليا جاني
جايب لي منك العلوم
أو مسج يخطر لك في بالي
ترسله لو كنت مزحوم
محدن في ذا الزمن خالي
كلن يقاس ومهموم
بحق الحب سيري يا حمامه
لطيف الروح هاتيلي سلامه
وودي له تحيات المودة
على الطايروهاتيلي كلامه
وقولي له ترى هجره سطا بي
وفي قلبي من الهجران شامه
لا كتبت اسمك تزين لي الحروف
ولا نطقته صار في لساني حلا
صدق أنا أحبك ولكن فيني خوف
خوف نتفارق بعد ذاك الغلا
لا تقابلنا يسكنا الكسوف
ضاعت الكلمات مني يا غلا
كانت الكلمات في لساني ألوف
ويوم شفتك ما ذكرت إلا هلا
مسجات عتاب
ودي أكتب والقلم عيا يطيع
مدري الأشواق والا انت السبب
كيف أعبر والحكي مني يضيع
اسعفيني يا قواميس العرب
يا حروفي اشعر بشي فظيع
في خفوقي نار وأشواقي لهب
هذي أقلامي بكسرها جميع
في سكوتي تصبح أشواقي ذهب
أخــذت حـبـي وودي
وكـل أحاسيسي الرقـيقة
تـرى قلـبي على قـدي
وانـت دلـيت طـريقـة
تـبي جـوابــي وردي
ومشـاعري عـالحـقيقة
لـو هي ظـروفي بيـدي
مـا اغيـب عنـك دقـيقة
أبيك تصدق إنك لو تغيب
العمر ماأنساك
وابرسم للعلا صوره
ملامحها انا وياك
مسجات جديده
شاركني القلم في حبك
فصار مايكتب الا اسمك
فصابتني الغيره
وكسرته لاجلك
محد كتب أحبك وكان
عارف معناها
بس أناكتبت أحبك
وبالوفا سطرت أحلى
معانيها
ياصاحبي ظلمة الايام
بلياك ونورها لما نفرح
بلقاك مهما تغيب لك خل
ماينساك
أنا لست
أحد سلاطين الحب
ولاملكا من الملوك
ولا املك عصا سحريه
كي
"أجبرك لمحبتي"
ولكنني "عاشق" مرهف
الاحساس
لا املك كايملكه غيري من
مال اوجاه
لكنني املك!
" حب "
أتحدى به كل العشاق
على مر العصور!
