اخطاء مسلسل نور
بــــــــــــــــس المسلسل فيه اخطاء غير منطقيه اطلاقا :-
1- شعر مهند ......تغير في نفس المشهد من طويل لقصر ....و هذا خطأ فظيع باعتبار انه مهند من الشخصيات اللي المشاهد بيركز على شكلو بنسبه كبيره
2- نهال المفروض انه كانت حامل لما تعرضت لحادث و من بعدها اختفت لمدة 4 سنين و لما ظهرت مره ثانيه ابنها كان عمرو سنه و نص .....هذا بيعني انه هي كانت حامل بيه لمدة سنتين !!!!!!!!!!!
3- المشهد اللي كانت فيه الست شريفه بتلتقي مع جيهان بيك في المطعم يوم ما مهند و نور لحقوها بالسياره ...عموما الست شريفه دخلت للبارك بسيارتها ....و لما خلصت السهره قام وصلها جيهان بيك بتاكسي !!!!
4-لما نهال عملت مفاجئه لمهند بانها صارت تمشي ..........طيب ما مهند بيحضر معا جلسات العلاج الفيزيائي و المفروض انه بيعرف هالشي !!!
5- في الحلقه اللي انخطفت فيها بانه ...و راح مهند و كامل على هاي الشركه مشان يحكوا مع زعيم العصابه سيارة مهند كانت واقفه ادام الشركه و الواجهه تبع الشركه كانت مرمر و كان واضح جدا بالانعكاس تبعو المخرج و الكاست اللي كان بيصور المشهد
6- مشهد ولادة ملك بنت مهند و نور بالسياره .....المشهد فيه خطأ طبي فظيع و هي انو ملك ولدت بدون قطع الحبل السري و اجت كانها لسه طالعه من الحمام !!!!!!!
7-شنب وليد زوج ميسون ....طلع بثلاثة ايام بس !!!!!!!!!!
8- الطبيب قال انه عابدين نسبه ضيئله جدا انه يعيش و اذا عاش فرح يعيش بغيبوبه طول عمرو ....مع ذلك صحي و حكى مع مهند
9- مشهد نور بالسجن اول ما دخلت و كانت تتكلم مع السجينه عن حملها وكانت ماسكه بطنها و هي عم تحكي ...المونتاج تبع هيدا المشهد كان سيء جدا لان طريقة قطع المشهد و اعادتو كانت واضحه كتير اذا بتركزوا فيه شوي
10- شعر نور تغير اثناء المسلسل اكتر من مره مع العلم انه الفتره المفترضه في القصه اللي تغير فيها شعرها هي اسبوع واحد ....و هيدا الحكي ايام ماكانت نور زعلانه من مهند و بدها تسافر لباريس ....و كذلك شعر ميسون و دانه و بانه تغير في مشاهد المستشفى بعد اختطاف نور ....و كمان مكياج نور اذا بدققو منيح بتلاقوا انه بيتغير في نفس المشهد اكتر من مره في حلقات المسلسل بالعموم
11- موبايلات نور و مهند و الست شريفه تغيرت اكثر من مره خلال فتره وحده ...طبعا ممكن نقول تغيير الموبايل شي طبيعي جدا عن اللناس بس الفكره انه موبايل نور تغير من نوع قديم لنوع جديد و رجع تغير للقديم مره تانيه ...و كذلك موبايل مهند نفس الحاله
12- طيب نور لما انخطفت و تركها عابدين لحالها بالغرفه مشان تغير تيابها ليش ما اخدت معها شي من الغرفه تقدر تدافع بيه عن نفسها خصوصا ان الغرفه كان فيها اشيا فخاريه كتيره
13-مفارش سرير مهند و نور بتتغير اكتر من الطبيعي خصوصا وقت ماكان مهند بالسجن بهداك اليوم تغيرت المفارش 3 مرات في حلقه مفروض انه احداثها بتجري بيوم واحد ...بس عموما هيدا خطأ حلو لان بعض المفارش اللي بيحطوها بطير العقل .
14-( من العضوه العاشقة المجهوله) نهال كان شعرها اشقر ويوم طلعت نهال بحياة مهند واتزكرت الذكريات وكيف التقوا كان شكلها متل ما هيا عليه....و كمان شعر مهند بصورتو مع نهال اللي مزقتها نهال {اللي كان لابس فيها تي شرت اخضر} هو نفس شعره بالحلقات الحاليه
15- وقت خطف عابدين نور و حبسها بالجبل ...و مره عليها تقريبا يومين و هي بدون اكل و شرب و حصلت معها صدمات كتيره بهديك اليومين و مصار لحملها شي .....و لمجرد انها تجادلت مع مهند اجاها نـــــــزيــــف !!!!!!!!!
16 السيد فكري قال لمرتو انه مافي غرف بالطابق الارضي عدا غرفة الست شريفه ....مع ان طول المسلسل و همو بيجيوا غرف فجر و دانه بالطابق الارضي ...غير انه نظريا مستحيل يكون في قصر بهل المساحه و ما في غرف بالطابق الارضي
17-لما نور فاتت على السجن كانت لابسه السلسه اعطاها مهند الها ....مع ان اللي بيفوت على السجن لازم تتاخد منو كل المعادن اللي لابسها ....و الدليل انه لما دخل مهند و انور و فجر و الجد فكري على السجن جابو مشهد و هما بيشلحوا فيه الاشيا المعدنيه اللي كانو لابسيها متل احزمه و ساعات و غيرو .
18- المفروض انه نور بتشتغل مصممة ازياء .....و من بداية المسلسل لحد هلأ دانه هي اللي بتختارلا ملابسها و تساعدها على الميك اب بحساب انها متعرف ....طيب كيف !!!!
19-الطفل سعد ....التقى بنور مره وحده قبل ما تنخطف و عابدين كان واقف بعيد بهداك المشهد ....و مع ذلك لما شاف عابدين و هو عم يشتري اغراض تعرف عليه و لحقوا للجبل !!!!
20- لمى نهال حكت لمهند انو نسيت موبايلها بالشركة .... بالليل اسعد رجع و حكى معها على الموبايل !!!!!!!
21-(في الحلقات الجايه )...نور رح ترجع تشتغل بشركة شاد اوغلو بعد انفصالها عن مهند ....بس على مكتب تبعها في صورتها هي و مهند محطوطه في أطار !!!!!!!
22-نور اشترت سياره من مالها الخاص في الحلقات السابقه من المسلسل ....لكن في الحلقات الحاليه
عم تقضي كل مشاويريها يا اما مشي يا بالتاكسي حتى لما تركت القصر ما اخدتها (السياره) معا .......طييب ليش ؟!!
23-مهند وصل للفندق بدون اي غيارات او ملابس اضافيه ........و مع ذلك بدل زيه مرتين اثناء اقامته بالفندق
مره لزي خدمة الغرف و ممكن نمشيها على ان الست بدور هي اللي عطتوا الملابس لكن الملابس اللي كان لابسها بالقارب من وين جابها ؟؟؟؟؟؟
24-مشهد نهال لما كلمت اسعد على الموبايل كان بعد مشهد مهند و نور بالقارب و المفروض انه الدنيا ليل لكن كان واضح جدا انه الدنيا نهار من الشباك اللي خلفها .
25-مشهد نور بالفندق و هي عم تتطلع بصورة بنتها على السرير (بعد ما ضبت اغراضه) لما قعدت نور كانت حاطه ايد على السرير و ماسكه الصوره بالايد التانيه ....لكن لما المخرج عمل Close Up (تقريب) على صورة ملك كانت نور ماسكه الصور بأيدناتها الاثنين
26-وقت ما كسر مهند المرايه (المرأة) االي بغرفتو ..انجرجت ايده و حط عليها باندج و كانت الباندج موجوده على وقت ما زار نور بشقة دانا ....لكن لما لحق نور بره الشقه اختفت الباندج من على ايده .....!!!!!!!!!
